صباح الخير و شغل البيت وعايزه اروح فيلم

جيتلكوا من تاني بعد ما صحينا من النوم و تنظيف و شغل البيت
يا ما نفسي اصحي في يوم و مقعدش انضف البيت و تعالي يا ساره نضفي الأوضه دي و روحي يا ساره اغسلي المواعين هو مفيش غير ساره في البيت بقي 
ما انا لازم برضه اساعد ماما في شغل البيت بس مش كل يوم برضه يا ماما ، كل يوم اصحي و اقول ليه ياربي مخلقتنيش ولد و اقعد و اتنح و معملش حاجه و اخرج براحتي و آجي وقت ما احب حياه حلوه انا بحسدكوا 


اهو انا عامله زي البنت اخت احمد حلمي في فيلم 1000 مبروك 
و بمناسبه الأفلام عايزه اقتراحتكوا على اي فيلم اروحه النهارده انا بفكر اشوف الديلر ولا 8جيجا ولا عسل اسود ولا تامر حسني و خلوا بالكوا هو فيلم واحد بس عشان الميزانيه فتقترحوا عليا اروح اي واحد