الثلاثاء، 13 يوليو، 2010

اختي نجحت و كل سنه و انتوا طيبين اول شعبان




كل سنه و انتوا طيبين اول شعبان و كلنا لازم نصوم في شعبان ان شاء الله 
شهر كريم و كلنا لازم نستعد لدخول رمضان 
و الى بيعمل حاجه غلط يبعد عنها 
و الى بيعمل خير يكتر منه

و كمان اختي الحمد لله نجحت و جابت مجموع حلو قوي و ربنا يوفقها في سنه ثالثه بقي ان شاء الله

السبت، 10 يوليو، 2010

نتيجه الثانويه العامه قربت خالص


نتجيه الثانويه العامه خلاص على الآبواب و يارب كل الناس تنج ان شاء الله و الآباء و الأمهات يفرحوا بولادهم كده دايما ان شاء الله
و الأوائل يكونوا النهارده السبت ان شاء الله
انا اجيب نتجيه الثانويه بتاعه اختي ازاي ؟ حد يقولي على موقع ادخل عليه و اجيب من النتيجه 

و دي الصوره هديه مقدما لكل الناجحين ان شاءالله


السبت، 3 يوليو، 2010

نحن الذين .....



نحن الذين تنتهك اعراضهم 
نحن الذين يموت شبابهم 
نحن الذين يقتل اطفالهم
نحن الذين ننام بدون عشاء
نحن الذين نلبس و نكون عراه
نحن الذين تهان كرامتهم 
نحن الذين تسرق اموالهم
نحن الذين يعاملوا كالبهائم
نحن الذين قل دينهم
نحن الذين زاد جشعهم
نحن الذين امرنا بالمنكر
نحن الذين نهينا عن المعروف
نحن الذين لا نطالب بحقنا
نحن الذين لا نؤدي واجباتنا
نحن الذين نستاهل كل ما يجري لنا


اذا عرفت (( من نحن )) فأخبرنـــــــــــــي ؟

الخميس، 1 يوليو، 2010

مين اذكي الطلاب ام الدكتور ؟

يا ترى مين الأذكى ؟
في أحد الليالي،
أربعة أصحاب من طلاب الكلية كانوا سهرانين ويلعبون حتى وقت متأخر من
الليل ومبسوطين على الآخر ولم يستعدوا للامتحان المقرر عليهم في اليوم 
التالي لدرجة أنهم قرروا انهم يطنشوا الامتحان المقرر .

وفي صبيحة اليوم التالي
فكر الطلاب في خطة ، حيث غطوا أنفسهم بالتراب وزيت السيارات ،
وذهبوا إلى عميد الكلية وقالوا بأننا ذهبنا ليلة البارحة لحفل زفاف كنا مدعوين له ،
وفي طريقة عودتنا أنفجر أحد إطارات السيارة مما إضطرنا لدفع السيارة على
طريق العودة للجامعة ، ومما تسبب بالتالي لعدم قدرتنا على الاستعداد للامتحان .
ولأن حجتهم مقـنعة فقد قرر العميد بأن لهم الحق في إعادة الامتحان بعد ثلاثة أيام ، 
وبعد شكر العميد وعدوه بأنهم سيستعدوا للامتحان بشكل جيد هذه المرة .

وفي اليوم الثالث
التقى الطلاب والعميد كما هو متفق ، والذي أخبرهم عند قدومه
بأن هناك شرطاً في الامتحان بحيث يجلس كل طالب من الأربعة في غرفة لوحده
لتأدية الامتحان ، وعلى الفور وافق الطلاب حيث كانوا مستعدين بشكل جيد
للأمتحان لمدة ثلاثة أيام .

وعندما وصلوا كل واحد إلى غرفته (قاعة الامتحان) فإن أسئلة الامتحان كانت
على الشكل التالي :

1. السؤال الأول :
كم كانت الساعة وقت حدوث الحادث ؟.

2. السؤال الثاني :
من منكم كان يقود السيارة في ذلك الوقت ؟.

3. السؤال الثالث :
ماهو ترتيب جلوسكم في مقاعد السيارة ؟.

4. السؤال الرابع :
أختر من الإجابات أدناه أي الإطارات الذي أنفجر في طريق عودتكم
إلى الجامعة من الزفاف تلك الليلة:

أ) الإطار الأمامي من اليسار ..
ب) الإطار الأمامي من اليمين ..
ج) الإطار الخلفي من اليسار .
د) الإطار الخلفي من اليمين .

5. السؤال الخامس :
هل تضمن أن يجيب بقية أصحابك بنفس اجابتك ؟.

فإذا كنتم صادقين 
فإن إجاباتكم ستكون موحدة وتستاهلوا تنجحوا 
وفلتوا منها ولا حول ولا قوة إلا بالله .
وإن كانت إجاباتكم غير موحدة 
فأنتم كاذبون ويلعن شكلكم واحد واحد وقليل الرسوب عليكم ،
جايين تلعبوا علي يا أنذال !!


ايه رأيكوا في الدكتور الناصح ده ؟ عجبتني قوي القصه لقتها في احد المنتديات فقلت اوريهالكوا عشان تبقي تاخدوا بالكوا للي هيعمل مقلب يضبطه 
و نستفيد من كده ايه يا ولاد ، حاجه من الإثنين
1- اننا لا نكذب ابدا فالكذب حرام و الى بيكدب بيروح النار
او
2- لو هتكدب حاول تسبك الحكايه للأخر ومش هتقدر فأحسنلك متكدبش
و بما ان جميع ما سبق واضح 
اذن لا تكذب


صباح الخير و شغل البيت وعايزه اروح فيلم

جيتلكوا من تاني بعد ما صحينا من النوم و تنظيف و شغل البيت
يا ما نفسي اصحي في يوم و مقعدش انضف البيت و تعالي يا ساره نضفي الأوضه دي و روحي يا ساره اغسلي المواعين هو مفيش غير ساره في البيت بقي 
ما انا لازم برضه اساعد ماما في شغل البيت بس مش كل يوم برضه يا ماما ، كل يوم اصحي و اقول ليه ياربي مخلقتنيش ولد و اقعد و اتنح و معملش حاجه و اخرج براحتي و آجي وقت ما احب حياه حلوه انا بحسدكوا 


اهو انا عامله زي البنت اخت احمد حلمي في فيلم 1000 مبروك 
و بمناسبه الأفلام عايزه اقتراحتكوا على اي فيلم اروحه النهارده انا بفكر اشوف الديلر ولا 8جيجا ولا عسل اسود ولا تامر حسني و خلوا بالكوا هو فيلم واحد بس عشان الميزانيه فتقترحوا عليا اروح اي واحد 

الأربعاء، 30 يونيو، 2010

لماذا قمت بعمل مدونه ؟

ثاني بوست ليا في المدونه هقول الأسباب الى خلتني اعمل مدونه 
انا لفيت كتير في مدونات ناس كتيره و كنت بقرا كل البوستات الى عندهم و كنت احيانا برد عندهم برضه و انا غير معرف و اتعلمت كتير كمان منكوا كلوا ان اول حاجه ان ده اسمه بوست مش موضوع عشان يبقي مختلف عن المنتدي بقي .


واول مدونه دخلتها تقريبا كانت مدونه انجليزيه لما كتبت بحث في جوجل و طلعتلي النتجيه بس مش فاكره كنت بدور عن ايه و عجبتني فكره ان يكون ليك مكان بتتكلم فيه في كل الى انت عايزه بدون ما حد يقولك انت بتقول ايه و مبتقولش ايه 


يعني انت الى بتحط قوانينك بنفسك ، فكره جميله بصراحه و مكنتش متوقعه ان فيه مدونين عرب كتير كده و لفيت بقي في كل المدونات و ناس كمان كنت بتابعهم دايما و بقرا بوستاتهم 


وكان فيه مره مدونه لواحده مطلقه ، اه و الله العظيم و كانت بتعمل تسجيلات بصوتها و انا كنت بحب اسمعها قوي بس للأسف ضاع اللينك من عندي و مش عارفه اوصله 


فانا قدامكوا كلكوا بقي هعمل حاجه جديده ، هعمل دستور لبيتي الثاني الى هي مدونتي يعني ، ودستوري بسيط اني هقول كل الى نفسي فيه بس مش هغلط في حد و هتكلم بعقل جامد و هبعد عن ان احكم قلبي هو مش في كله صحيح بس هحاول و كمان دستوري ان احاول اكتب حاجات تفيد اي حد يقراها و احاول اكون معاكوا في مشاريع الخير الى انتوا بتعملوها 


بس خلاص ده دستوري 


و ده بقي حاجه ساقعه لكل واحد هيشرفني هنا في المدونه ، بس كل واحد له ازازه واحده بس